Su Teorema de Pitàgora

  Funt imoi tres annus chi in su Liceu cosa nosta s'ant postu sa LIM (Lavànnia Interativa Multimediali) in dònnia aposentu de sa scola.

  Su prus vantàgiu mannu chi tenit sa LIM cunfroma a sa lavànnia niedda (sa bizarra) est ca totu su chi scrieus o chi disenniaus, fait a ddu furriai in d-unu documentu web (html, ppt, pdf).

  E duncas fait, in d-unu segundu tempus, a ddu torrai a pigai in manus, modificau e furriau totu cumenti boleus.

  Fait fintzas a fai unu vìdeu de su chi eus scritu (e nau) in sa letzioni.

  Donniunu, manna o pitica chi siat sa cultura matemàtica cosa sua, sciit chi su teorèma de geometria chi si-nci stichit in mesu a milli atras chistionis est su Teorema de Pitàgora.

  Sa chi bieis in su vìdeu chi sighit est una letzioni me innui, imperendi is possibilidadis gràficas de sa LIM, amostu su teorema famau, in d-una manera chi no fait a no ddu cumprendi:

Bonoras a totus!